2 Kasım 2014 Pazar

WQFerheng 3.8

Bo nûkirina carekî dina WQFerhengê re merheba Kurdîhezno!. Mîna carên berê dîsa danegeha(Database) ferhengê bi ya Wîkîferhengê ve hat wekhev kirin. Bi vê wekhevkirinê re nêzî 75.000 hezar sernavên(peyv, biwêj û hwd.) nû ketine ferhengê ku va zêdebûna, zêdebûna tewrî(herî) mezina bi careke re ya heta niha ye. Vê carê, giraniya zêdebûna peyvan di Îngîlîzî de ye(~40.000). Dû Îngîlîzî re zêdetir di Kurdî (~20. 000) de, di Farisî de (~10. 000) û di Almanî(~600) de, di Erebî (~300) de û hwd. zêdebûn heye. Ferqên di navbera versiyona berê û ya niha li resmên jêr dikarin bên dîtin.

V3.8
V.3.7














Dîsa hewldanek bo wergerrandina peyvan a zimanên din hat kirin û dîsa gelek peyv di beşa Wergerrê de hatin wergerrandin Tirkî, Almanî, Îngîlîzî û Farisî. Êdî wergerra nêzî 40.000 peyvan a Tirkî, nêzî 21000 peyvan a Îngîlîzî, nêzî 15 hezar peyvan a Almanî, nêzî 13 hezar peyvan a Farisî dikare di beşa wergerrê de bê dîtin. Hejmara peyvên ku hatine wergerrandin, dikare li resmê kêleke bê dîtin.

Hejmera
Peyvên wergerrandî
Wergerr bo peyvan
di beşa Wergerrê de















Vêcarê di navrûyê(interface) WQFerhengê de çend guherînên biçûk hatin kirin. Li hindê zimanên Kurdî, Tirkî, Îngîlîzî, Almanî yên ku bo bikaranînana Ferhengê li berdest bûn, zimanê Farisî jî li bernameyê hat zêdekirin. Êdî kesên ku bixwazin dikarin zimanê navrûyê bernameyê bike Farisî û bernameya wiha bikar bîne.
Herwiha, bo hêsantirkirina bikaranîna bernameyê, tîkandina bi ducaran  an jî bi tîkandina  dirêj a a ser beşa zimanekî re êdî ew beşa tê girtin, da ku meriv hêsantir bikare li nav beşên zimanan bigerre.
Herwiha, menûya "Derbar"ê hinekî hat guhertin û ya Alîkarî hat rakirin. Êdî di beşa "Derbar"ê de zêdetir agahî li ser bernameyê, li ser nûtiyên versiyona dawîn, li ser alîkariyê û di derbara min (programçêker) de dikare bê dîtin.
Herwiha hejmara peyvan li gor cûreyan û li gor herfan di lîsteya zimanan, mîna ku li resmê jêr xwiya dibe, de dikare bê dîtin.

Hejmera Peyvan
Bi Farisî



Di vê navberê de hejmara daxistinên WQFerhengê yên li ser Google Playê hema hema gihîşte 70. 000'an û nirxandinên bo wê jî ji 1000'î derbas bûn. Wek Belê bi van baştir kirinan re WQFerheng li ser Google Playê li ber destên Kurdîhezan e.







Hiç yorum yok:

Yorum Gönder