10 Nisan 2014 Perşembe

WQFerheng v3.5

Ji sê mehan şûnde bo WQFerhengê nûkirineka(rojanekirineka) din. Ew cara 13'emîn e ku ez bo WQFerhengê nû dikime. Dîsa danegeh(Database) bi ya Wîkîferhengê ve hat wekhev kirin. Bi vê wekhevkirinê re nêzî 4000 hezaran sernavên nû hatin ferhengê. Pirrekên wan ji Îngîlîzî(~3000) û ji Almanî(~500) ne. Yên din jî bi hejmerên xwe yên biçûk ve ji Farisî, Kurdî, Frensî û ji zimanên din in. Hejmarên wate yên zimanan ên paşin ên di ferhengê de wek di rêsim de tên dîtin in.


Guherîneka din a ku di ferhengê de hatiye kirin, di lîsteya ku ziman têde dîtin de ye. Êdî lîste bi pişkoja li quncikê rastê ya li jor ve dikare li gor rêzkirina alfabetîk bê rêz kirin. Siftê lîste wekî ku zaraveyên Kurdî li ser bên tê anîn, lê bi tîkandina li ser wê pişkojê ve lîste dikare li gor rêzbûna alfabeyê bê rêz kirin. Herwiha li hindê zimanan meriv dikare bibîne ka di ferhengê de çend mehne(wate) bo zimanekî hene jî.


Nûkirineka din a ku bi vê rojanekirinê re tê jî bo lêgerrînê ye. Heta niha gava ku meriv li ferhengê li tiştekî digerriya, lîsteya pêşniyaran wekî ku herfên(tîpên) biçûk-mezin cida bike dihat pêşniyarkirin. Vê taybetiyê meriv mecbûr dihîşt ku encax bi lihevanîna herfên biçûk û mezin ve tiştê ku tê lêgerrîn bibîne. Lê ew cidatiya hat rakirin û meriv bi herfên biçûk jî, bi yên mezin jî binivîse, çi bi herfên biçûk, çi bi herfên mezin hemû sernavên ku li hev tên tê peşniyar kirin. Bi vî hawî lêgerrînên hêsantir dikarin bên kirin.

Li hindê van guhertinên bingehîn, hin guherrînên din ên ku him şaşiyan dirust dikin, him jî bikaranîna sepanê(aplîkasyonê) hêsantir dikin hatin kirin. Ez bawerim bi van guherînan ve ew ê hîn zêdetir bi kêrî Kurdîhezan were. Ew li ser Google Playê li ber dest e.




 

Hiç yorum yok:

Yorum Gönder